Jalan Keselamatan – Bahasa Betawi

 

Pegimané supayé bisé selamet?

Kalo énté ngikutin lima langka ini, énté ada di jalan nyang bisa buat énté selamet.

“diselamatin” artinyé énté dilepasin dari iketan dosa, dibebasin dari hukuman api neraka, dikasi hidup kekel, amé bisa masuk sorga.

Énté mulain periksa ati énté sendiri buat pastiin apé énté betul-betul mau diselametin.

 

Langka 1

Tulisin dosa-dosa nyang pernah énté lakonin, nyang énté inget.

Soal selamet, entu soal ngebérésin dosa-dosa énté amé Allah.

“dari entu ati muncul segalé pikiran jahat, bunu-ngebunu, jinah, cabul, nyolong, sumpé palsu amé hujat”  (Injil, Matius 15:19)

 

Langka 2

Akuin satu-satu semué dosa-dosa nyang énté udé tulis tadi kepadé Sang Penyelamet

Lakonin langka eni amé langka selanjutnyé sambil belutut amé bedoa
(Inget néh, cuman doa yang diucapin amé hati yang sunggu-sunggu nyang diterimé Allah)

“Kalo kité akuin dosa nyang kité lakonin, Dié bakal ngampunin segalé dosa kite amé ngebersiin kité dari segalé nyang jahat. Dié begitu soalnya Dia entu setia amé adil.”  (Injil, 1 Yohanes 1:9)

Langka 3

Minta amé Sang Penyelamat supayé daré-Nyé ngebersiin ati énté dari dosa.

Isa Al-Masih mati, terus daré-Nyé ampé ngalir di kayu salib garé-garé dosa-dosa énté, tapi Dié idup lagi di ari nyang ketiga. Itu makényé, daré-Nyé adé kuasa buat ngapusin dosa-dosa.

“……daré Isa Al-Masih, Anak Allah itu, ngebersiin kité dari segalé dosa”  (Injil, 1 Yohanes 1:7)

Langka 4

Serahin segalé dosa énté kepada Sang Penyelamat

Percayé kepadé Isa Al-Masih artinyé kite mau nyerain (percayain) dosa-dosa énté untuk Dié nyang mikul

“Dié sendiri udé mikul dosa kité waktu Dié menderité sengsaré di kayu salib….”  (Injil, 1 Petrus 2:24)

 

Langka 5

Undang Sang Penyelamat masuk amé tinggal di dalem ati énté selama-lamanyé

Percayé kepadé Isa Al-Masih artinyé terima Dié jadi Penyelamat diri énté.

“Liat, Ayé bediri di depan pintu amé ketok pintu; kalo adé orang nyang ngedenger suara Ayé terus ngebukain pintu, Aye bakal masuk ketemuin orang entu terus makan bareng amé dia. Dié juga adé sama-sama Ayé”  (Injil, Wahyu 3:20)